Царинската управа на граничниот премин „Богородица“ заплени еден килограм златен накит вреден четири милиони денари.
Патникот го сокрил златото во долната облека и внатрешниот дел од панталоните сè со цел да избегне плаќање увозни давачки во висина од еден милион денари.
Како што информираат од Царинската управа златото било спакувано во четири ќеси во коишто имало 60 ланчиња, 13 прстени, 128 обетки и 48 нараквици.
Златото ќе биде предадено во Народна банка, а против патникот ќе биде поднесена кривична пријава.
