Претседателот на Советот на Град Скопје, Трајко Славески и го одзема микрофонот на градоначалничката Данела Арсовска наводно, поради тоа што зборувала три часа. Претходно Плусинфо пишуваше дека на Славески му било одземено копчето за дискусија со кое тој може да ги регулира говорите и да спречи говор на омраза и други инциденти, што е инаку дел од Деловникот за работа.
– Очигледно не можете да се справите со тоа што треба. Сметам дека не смее да ви се дозволи правото тука некој со копче да каже кога некој ќе отпочне, а кога ќе престане да говори. Затоа што правото на градоначалникот е неприкосновено…- зборува Арсовска.
Во тој момент Славески се симнува и физички и го тргнува микрофонот од говорницата.
– Сите се малтретирани овде поради вас, дополнителни три часа. Досега ќе ја изгласавме иницијативата. Не се расправајте со советниците. Поради вашето вакво однесување, се малтретираме овде – ѝ возвраќа Славески откако се враќа на своето место.
Таа му одговори дека не може повеќе да се однесува како деспот. Откако тој го тргна микрофонот, таа продолжи да зборува.
