Поранешниот американски претседател Доналд Трамп ја обвини Меган Маркл дека се однесувала без почит кон покојната кралица Елизабета Втора, а истовремено го критикуваше претседателот Џо Бајден што ќе го пропушти крунисувањето на кралот Чарлс III, пишува Дејли Мејл.
Трамп претходно за Њујорк Пост изјави дека верува дека Бајден ќе „спие“ за време на церемонијата.
А за Меган во интервју со Најџел Фараж тој рече:
– Мислам дека таа (Меган) беше многу неблагодарна кон кралицата – му рече Трамп на Фараж.
– Како можеш да имаш толку големо непочитување кон кралицата? – додаде тој.
– Таа (Кралицата Елизабета) беше неверојатна, со децении и децении никогаш не погреши. Не можам да помислам на грешка што таа ја направи, таа никогаш не беше контроверзна. Не можете да се однесувате без почит кон неа и мислам дека Меган беше многу непочитувачка кон неа, многу непочитувачка – изјави поранешниот американски претседател.
Трамп, исто така, тврдеше дека е „изненаден“ што Чарлс му испратил покана на крунисувањето на својот син, Хари, и покрај тоа што Хари напиша мемоари по име „Резерва“ во кои откри интимни детали за семејството.
– Всушност бев изненаден што Хари беше поканет, да бидам искрен. Тој кажа некои страшни работи кога ќе видите што рече, а книгата беше само… за мене, беше ужасна.
Поранешниот претседател изрази почит кон Чарлс и оптимизам за церемонијата овој викенд.
– Мислам дека ќе биде одличен ден, мислам дека ќе завршат одлична работа и тој (Чарлс) ја сака земјата. Добро го запознав и тој ја сака својата земја, навистина ја сака земјата и ја сакаше својата мајка.
Ова не е првпат поранешниот претседател да ги нападне Меган и Хари. Трамп ја нападна контроверзната двојка минатата година за време на гостувањето во шоуто на Пирс Морган.
– Јас не сум обожавател на Меган и не бев од самиот почеток. Кутриот Хари го влечат за носот. И мислам дека тоа е срамно – рече Трамп.
Трамп го обвини бракот на двојката дека е „темпирана бомба“ што ќе пукне кога „Хари ќе одлучи дека му е доста од тоа кој е газда наоколу“ или кога Меган „одлучи дека повеќе ѝ се допаѓа некој друг човек“.
Принцот Хари сам ќе присуствува на крунисувањето на кралот Чарлс и кралицата Камила. Неколку извештаи тврдат дека Хари ќе биде во Велика Британија 24 часа и планира да замине штом ќе заврши церемонијата на крунисувањето.
Меган ќе остане дома во Калифорнија со двете деца.
