Во првиот ден од своето претседателство Доналд Трамп планира да потпише 25 укази и директиви и со тоа да направи значајни промени во државната политика на САД, јавија денеска дел од американските медуми.
Уште на првиот ден од своето владеење Трамп планира да даде раширени надлежности на вработените во имиграциската служба, обнова на изградбата на ѕидот на границата со Мексико и испраќање дополнителна воена сила на јужната граница. Сите овие напори се дел од изборните ветувања на Трамп.
Што се однесува до образованието, се предлагаат забрани за финансирање на училиштата каде се предава критичка теорија на расите, и каде има позитивна дискриминација, исто така ќе се укинуваат антидискриминациските мерки за трансполовите студенти. Овде се и обидите да се запре со традицијата добивање државјанство по право на раѓање во САД независно од имиграцискиот статус на родителите.
Ќе има мерки и за зголемување на производството на нафта и гас.
Работата на овие укази се координира со дамнешниот советник на Трамп, Стивен Милер, и низа аналитички центри вклучувајќи ги America First Policy Institute и фондацијата Херитиџ.
Актуелниот претседател Џо Бајден во првиот ден од своето претседателство во јануари 2021 година потпиша 17 укази од кои многу анулираа дејствија на указите на Трамп.
