Републиканскиот претседателски кандидат Доналд Трамп, по навредливата изјава на претседателот Џо Бајден за неговите поддржувачи, кои ги нарече „ѓубре“, синоќа на еден од последните митинзи пред изборите, во Висконсин одржа говор во флуоресцентен елек каков што носат ѓубреџиите, а на самиот настан допатува со камион за ѓубре.
-Како ви се допаѓа мојот камион? Тоа е во чест на Камала и Џо Бајден – им рече Трамп на новинарите.
На митингот, тој потоа им се обрати на поддржувачите:
– Морам да почнам со тоа што ќе речам дека 250 милиони Американци не се ѓубре“, рече тој, осврнувајќи се на изјавата на Џо Бајден – која, како што подоцна се обиде да објасни, била гаф, поддржувачите на Трамп ги нарече – „ѓубре“.
Пост за настанот објави и милијардерот Илон Маск кој стана еден од главните финансиери на кампањата на Трамп.
Бајден пред два дена зборуваше за комичарот од митингот на Трамп во Медисон Сквер Гарден кој Порторико го нарече „пловечки остров на ѓубре“.
-Па, дозволете ми да ви кажам нешто. Порториканците што ги знам се добри, пристојни, чесни луѓе – рече Бајден на настанот, кој беше организиран за дополнително да ги охрабри гласачите да излезат на гласање и да ја поддржат Камала Харис.
-Единственото ѓубре што го гледам како лебди таму се неговите поддржувачи. Неговото демонизирање на Латиноамериканците е несовесно и неамериканско – додаде Бајден.
Белата куќа брзо се обиде да ја минимизира штетата.
Портпаролот Ендрју Бејтс рече дека Бајден мислел на „реториката со омраза“ на митингот во Њујорк, а не на поддржувачите на поранешниот претседател. Набрзо и самиот Бајден се огласи на социјалните мрежи.
„Претходно денес, ја нареков ѓубре реториката полна со омраза за Порторико што ја исфрли поддржувачот на Трамп на неговиот собир во Медисон Сквер Гарден – што е единствениот збор што можам да се сетам за да го опишам. Неговото демонизирање на Латиноамериканците е несовесно. Тоа е се што сакав да кажам. Коментарите на тој митинг не не одразуваат кои сме ние како нација“, напиша тој на X.
Albanian
English
Macedonian
Turkish
