Воопшто не е чудно што многумина деновите на менструација ги нарекуваат најлоши во месецот. Физичките, менталните и емоционалните тешкотии ја погодуваат речиси секоја жена и навистина не е лесно да се справите со нив.
Статистиката покажува дека ПМС го чувствуваат дури 90 отсто од жените, а може да се препознае по промени во расположението, надуеност, грчеви, болки во градите, губење на концентрација и слични непријатни симптоми кои можат да попречат во секојдневните животни активности на некои жени, пишува Задепна.хр.
Додека кај некои жени симптомите на ПМС престануваат веднаш штом ќе дојде менструацијата, кај други може да траат за целиот период на крварење.
Менструацијата е непријатен период кој секоја жена го доживува на свој начин, но повеќето ќе се согласат дека вториот ден е најлош. На вториот ден од менструацијата најизразени се грчевите, најмногу крварењето, најлошо е расположението, а може да се јави и замор и чувство на слабост што наликува на мамурлак.
Познато е дека хормоналните промени кои се случуваат во првите неколку дена од менструалниот циклус можат да влијаат на перцепцијата на болката. На пример, жените кои имаат мигрена можат да почувствуваат многу повеќе болка од вообичаено во тоа време.
Гордан Црвенковиќ од приватна гинеколошка ординација во Загреб објаснува дека болката што ја чувствуваат жените за време на менструацијата ја предизвикуваат грчеви на матката. Значи ова се контракции на матката затоа што се обидува да ја истурка крвта надвор.
„Стискањето на матката се случува под влијание на хормонот наречен простагландин. Се лачи токму во тој период – на крајот на менструалниот циклус, односно на почетокот на менструацијата. Затоа првите денови од менструацијата се најболни“, вели д-р Црвенковиќ.
Исто така, постои болест поврзана со болни периоди наречена ендометриоза. Болна менструација и болен однос се карактеристични за оваа состојба.
Првиот ден, кога крвта ја напушта матката, мала количина од таа крв се враќа низ јајцеводите во абдоминалната празнина. Таквата состојба најчесто се решава со контрацептивни таблети, а на некои жени им помагаат и лекови како аспирин и андол.
Тие треба да се земаат еден до два дена пред да започне крварењето“, објаснува д-р Црвенковиќ.
Дисменорејата може да биде и виновник за непријатниот втор ден. Тоа е болка која може да се појави истовремено со менструацијата или да и претходи, а својот врв го достигнува 24 часа по почетокот на крварењето. Може да биде досадна или остра, а често е придружена со главоболка или гадење, објаснува д-р Аша Хиремата за Health Shots.
