Телевизиското лице Сајмон Кауел (63) ги загрижи обожавателите со својот изглед.
На официјалниот Твитер на британскиот „Суперталент“ е објавено видео во кое Сајмон им се обраќа на гледачите да ги поттикне да се пријават на аудициите за новата сезона на шоуто.
Но, неговото видео наиде на различни реакции од очекуваното. Огромното мнозинство гледачи истакнаа дека Кауел изгледа непрепознатливо и дека неговиот моментален изглед е загрижувачки. Неговата кожа изгледала беспрекорно, забите бели како снег, а очигледно е дека го средувал целото лице.
– Не сум од оние кои коментираат туѓи изгледи, но лицето му изгледа како да се топи – напишал еден следбеник.
– Некој заборавил да ги исклучи филтрите на Snapchat – додаде друг.
Сајмон никогаш не криел дека на лицето става ботокс, а со корекции почнал во 2016 година бидејќи сакал да изгледа помладо. Тој изјавил и дека еднаш претерал со ботоксот, што го исплашило неговиот син. Тој тогаш изјави дека ќе престане да прави корекции, но се чини дека не го исполнил ветувањето.
