Во Вишиот суд продолжи судењето на родителите на момчето убиец што на 3 мај минатата година уби девет ученици и обезбедување во ОУ „Владислав Рибникар“. Мајката на момчето убиец не се појавила, не сакала да сведочи во граѓанска постапка додека не заврши кривичната постапка.
Судијата задолжен за постапката го праша Владимир Кецмановиќ, таткото на момчето убиец, што се случило деновите пред масакрот, дали момчето убиец се повлекло во себе, дали забележало дека Коста К. црта чудни работи или пишува нешто, што се случувало во куќата тие денови.
– Би сакал да изразам сочувство до родителите, сè уште имам пробиви и болка во мене и силни емоции кога размислувам за децата. Не можам да се изразам денес – одговорил тој, пренесуваат српските медиуми.
Судијата потоа го прекинал и му рекол дека доколку е потребно, ќе паузира, но таткото потоа повторил дека би било несоодветно во овој момент да се зборува за тоа какво семејство се тие. Судијата повторно го прекинал и побарал од таткото да одговори на прашање, на што адвокатот на таткото одговорил дека неговиот клиент нема да сведочи.
Судијата му одговорил дека нема да го прекинува во исказот, но дека треба да почне да одговара.
– Емоциите не ми дозволуваат да зборувам, колку што бевме грижливи и внимателни родители, би сакал да можев да забележам дека нешто се случува во главата на мојот син (Коста К.). Тој беше во контакт со голем број луѓе, ако некој ми посочеше ќе реагирав. Сè уште не можам да разберам што се случи на тој трагичен ден. Јас сум мртов човек по 3 мај. Единствената причина поради која стојам овде е мојата ќерка, која исто така е жртва на нејзиниот брат – рече таткото.
На крајот Владимир Кецамовниќ изјавил нема да се изјасни и дека нема да одговара на прашања. На судењето требаше да присуствува сведокот Нада Радоњиќ Булатовиќ, но таа не влезе во судницата, иако се појави во судот.
