Земјотрес со јачина од 6,3 степени според Рихтер го погоди денеска Тајван. Потресот бил почувствуван низ целиот остров, а засега нема извештаи за штети, јавуваат локалните медиуми, француската новинска агенција АФП.
Според Американскиот геолошки институт, земјотресот се случил на длабочина од 27 километри и на околу 70 километри југозападно од јапонскиот остров Јонакуни, кој се наоѓа веднаш до Тајван.Тајван и неговата околина често се погодени од земјотреси, бидејќи се наоѓа во близина на спојот на две тектонски плочи. Во март земјотрес со јачина од 6,7 степени според Рихтеровата скала погоди згради во близина на источниот брег на Тајван, при што беше повредено едно лице и урна полуизграден мост на истокот од островот, пренесува АФП.
