Кес Рајверс, легендарниот холандски фудбалер и поранешен тренер на „лала“, почина на 98-годишна возраст.
Рајверс почна да игра фудбал во јуниорските категории на НАЦ Бреда, по што настапуваше за Сент Етјен и Стад Франс, а по седум години минати во Франција се врати во Холандија каде настапуваше за Феенорд.
Потоа заминал во Сент Етјен уште еднаш на две години за да се врати во Холандија во 1962 година и да ја заврши кариерата во дресот на Бреда.
Токму неговиот престој во Франција доведе до голем скандал, бидејќи му беше забрането да игра за репрезентацијата бидејќи со одењето таму стана професионалец, а за репрезентацијата до тој момент играа само „аматери“.
Во националната селекција се врати во 1957 година.
Интересно е што во 1956 година беше меѓу кандидатите за најдобар играч во Европа, каде што доби и еден глас.
Иако немаше многу успеси со репрезентацијата, ќе остане запаметен како тренерот кој во „лала“ редовите ги турна играчите кои станаа една од најдобрите генерации во историјата на холандскиот фудбал – Руд Гулит, Марк ван Бастен и Роналд Куман.
Причината за неговата смрт не е соопштена.
