Швајцарскиот телекомуникациски оператор Swisscom планира да ја купи италијанската филијала на британската телекомуникациска компанија Водафон. Како што соопштија денеска двете компании, Swisscom ќе плати осум милијарди евра за Vodafone Italia. Потоа планира да го спои со неговата италијанска филијала Fastweb.
Ова ќе го создаде вториот по големина снабдувач на телекомуникациски услуги во Италија, водечка компанија во оваа област останува ТИМ. Договорот се уште не е потпишан.Заедничката компанија ќе има годишни приходи од продажба од околу седум милијарди евра и повеќе од 8.000 вработени, додаваат тие.
Fastweb и Vodafone Italia добро би се надополнувале, објави германската новинска агенција dpa. Fastweb е силен во областа на фиксната мрежа, додека Vodafone е силен во мобилните комуникации.
Минатиот месец Водафон го отфрли предлогот на групацијата Илијад, во сопственост на францускиот тајкун Ксавиер Нил, за спојување на нивните италијански бизниси, кои би го проценувале Водафон Италија на 10,45 милијарди евра.
Водафон објави претходно овој месец дека неговите приходи се намалени за 2,3 отсто на 11,4 милијарди евра во третиот квартал, главно поради лошите резултати во Италија и Шпанија.
