Свирепо убиство попладнево се случи на локалниот пат од Долно кон Горно Блаце. Со прострелни рани од автоматско оружје пронајдено тело на 56 годишник.
„Во 18.10 ч. во СВР Скопје е пријавено дека во близина на локалниот пат од Долно кон Горно Блаце, Н.Т. го пронашол неговиот брат З.Т. (56) без знаци на живот, со прострелни рани од огнено оружје. Се преземаат мерки за расчистување на случајот“, информираат од МВР.
Според засега непотврдени информации, станува збор за уште една пресметка поврзана со подземјето, односно за одмазда за претходно убиство на криминалец. Наводно, убиениот кај Блаце е татко на осуден за убиство на криминалецот со прекар Оки.
