Индонезија започна преговори со Фудбалската асоцијација на Австралија за да поднесе кандидатура за домаќин на Светското првенство во 2034 година заедно со Малезија и Сингапур.
Разговорите започнаа само неколку дена откако ФИФА ги покани членовите од Азија и Океанија да бидат домаќини на најголемиот спектакл во светот.
„Почнавме разговори со Австралија. Кога ги посетив Малезија и Сингапур, тие изразија желба да ни се придружат“, изјави Ерик Тохир, претседател на Фудбалскиот сојуз на Индонезија.
Засега единствената земја која најави дека сака Светско првенство во 2034 година е Саудиска Арабија.
Домаќини на Светското првенство во 2026 година ќе бидат Соединетите Американски Држави, Канада и Мексико, додека Светското првенство во 2030 година им беше доделено на Шпанија, Португалија и Мароко, а неколку рани натпревари ќе се играат во Аргентина, Парагвај и Уругвај.
