Светската банка предвидува цените на енергенсите да се намалат за 1% годинава, како резултат на пониските цени на природниот гас и јагленот кои ги компензираат повисоките цени на нафтата. Во 2025 година, пак, се очекува дополнителен пад на цените на енергенсите за 4%.
Цените на суровата нафта од типот „брент“ надминаа 91 долар за барел на почетокот на април, што беше поттикнато од геополитичките тензии и дополнителното намалување на производството од ОПЕК плус.
Цените на природниот гас се намалија во првиот квартал од годинава за околу 40% во однос на лани.
Европската референтна вредност се намали за 35%, со што ги намали добивките од претходниот квартал.
