На списокот гости за крунисувањето на кралот Чарлс, кое се одржа во саботата, се најдоа бројни познати личности, великодостојници и членови на кралското семејство. Меѓутоа, во видеото кое почна да кружи на социјалните мрежи се појави прилично сомнителен лик кој во никој случај не се очекуваше во Вестминстерската опатија.
Како што пренесува Јутарњи, обожавателите на кралското семејство биле запрепастени кога виделе некој кој личи на Смртта: маж облечен во долга црна наметка и качулка, носел долг стап кој изгледал исто како косата што ја носи Смртта.
На Твитер беше споделено видео од чуварите на кралот како влегуваат во опатијата, а фигурата на „Смртта“ оди зад нив додека одеа пред влезот на Вестминстерската опатија.
„Сан“ пишува дека најверојатно станува збор за припадник на свештенството облечен во свечена облека.
