Српската пејачка Марија Шерифовиќ за новогодишната ноќ настапи во Зеница.
За време на настапот, некои луѓе од публиката фрлаа петарди на бината, а пејачката неколкупати ги опомена. Марија вчера се огласи од авионот, додека заминувала за Белград и во таа прилика го покажа и членот на тимот кој се здобил со скршеница и раката му е во гипс.
„Убаво ми беше без разлика на малку ненормалните луѓе“ објави Марија Шерифовиќ по дочекот во Зеница – луѓето фрлаа петарди на бината.
– Во 2024 година влеговме речиси без око, со запалена опрема од петарди, една отворена скршеница, но ништо нема да нè скрши – напиша таа.
Да потсетиме, Марија по концертот се огласи на социјалните мрежи.
– Па, еве ме во 2024 година, мртва изморена. Сакам да се знае дека без разлика на некои чудни околности, по малку ненормални луѓе, вечерва убаво си поминав во Зеница. Ви благодариме што дојдовте. Да сте ми живи. Се гледаме некогаш, некаде – изјави Марија во оваа прилика.
