Британскиот пејач Стинг, го продаде каталогот на неговите песни, вклучувајќи соло дела, како и хитови со групата Полис како „Роксан“, објави компанијата „Јуниверзал мјузик груп“, што е најновата ваква голема трансакција во индустријата.
Компанијата не ја открива финансиската страна на договорот, но американските медиуми проценуваат дека каталогот вреди околу 250 милиони долари.
Ја опфаќа целата работа на Стинг од пишување песни, вклучително и песни напишани за „Полис“.
„Јуниверзал“ претходно ги контролираше правата на снимената музика на Стинг, се вели во соопштението на компанијата.
„Јуниверзал“ сега ќе ги добива сите идни приходи поврзани со авторските права на песните и авторските права на Стинг, за хитовите вклучувајќи ги „Every Breath You Take“ и „Fields of Gold“.
Во изјавата, 70-годишниот уметник роден во Велика Британија рече дека е „воодушевен“ што одделот за издаваштво на „Јуниверзал“ ќе управува со неговиот каталог, велејќи дека е „апсолутно важно“ делата во неговата кариера да имаат дом каде што се ценети и почитувани. Не само да се поврзат со долгогодишните фанови на нови начини, туку да ги претстави своите песни пред нова публика, музичари и генерации“.
Ова е најновата продажба на музички права од висок профил, откако некои уметници, вклучувајќи ги Боб Дилан и Брус Спрингстин, ги продадоа своите каталози за астрономски суми.
Трендот во голема мера е поттикнат од очекуваната стабилност на растот на стриминг во комбинација со ниските каматни стапки и сигурните проекции за заработка за евергрин хитови.
Компаниите досега купиле голем број големи каталози, вклучувајќи ги и оние на Дејвид Боуви, Стиви Никс, Пол Сајмон, „Мотли Кру“, „Ред Хот Чили Пеперс“ и Шакира.
