Треба да се знае дека инсектите сакаат повалкани средини, особено ги привлекува мирисот на храната. Затоа, кујната треба да се одржува чиста, а храната да се чува правилно
Во топлите денови неизбежна е појавата на разни инсекти. Сепак, заборавете на спрејовите и разните хемиски агенси бидејќи се опасни за нас, околината, миленичињата… Пробајте со докажани еко рецепти.
Треба да се знае дека инсектите сакаат повалкани средини, особено ги привлекува мирисот на храната. Затоа, кујната треба да се одржува чиста, а храната да се чува правилно. Вака избегнуваме наезда од мравки, бубашваби, муви…
Друго важно правило е дека превенцијата е подобра од лекувањето. Па, ајде да се понапред од нив! Кога ќе откриете колона мравки, прво откријте од каде доаѓаат, а потоа посипете ја нивната патека со мелено кафе, со неколку капки лимон или цимет во прав. Корисни се и парчињата краставица, пиперките и сувото нане.
Поставете кора од портокал или лимон на прозорските прагови и балконите и наполнете ги со каранфилче: мирисот што се шири низ просторот ни е пријатен, а ги отфрла повеќето инсекти. За да се ослободите од комарците, отстранете ги сите контејнери (и други разни предмети) што можат да држат вода. Засадете растенија кои ги одбиваат, на пример, здравец, босилек и нане…
Овие растенија ќе ги избркаат комарците, но и бројните штетници кои сакаат да ја напаѓаат градината. Не заборавајте го етеричното масло од цитронела: разредете го во вода и добиениот лосион испрскајте го на растенијата во саксии, на прозорците и зошто да не и на кожата, пишува Вечерњи лист.
