Српскиот државјанин Слободан Марјановиќ (45) е застрелан во близина на крајбрежниот град Санта Марта на северот на Колумбија, објавија медиумите од таа јужноамериканска земја, повикувајќи се на неименувани извори од локалната полиција.
Безживотното тело го пронашле локалните жители во неделата вечерта околу 00:05 часот по локално време, на патот надвор од градот, пишува Хој Диарио дел Магдалена во своето онлајн издание.
Очевидци рекоа на полицијата дека претходно слушнале истрели и виделе автомобил како се оддалечува во правец на Санта Марта, но не ја препознале марката или деталите на автомобилот бидејќи било темно.
Еден сведок и рекол на полицијата дека мажот бил застрелан во автомобилот, а потоа исфрлен на патот, пренесува Ел Информадор.
Кај оштетениот биле откриени три прострелни рани во пределот на главата.
Санта Марта е туристички град на брегот на Карипското Море со речиси 500.000 жители.
Убиениот на зглобот ја имал нараквицата од хотелот во кој можеби престојувал, кој се наоѓа во областа на градот наречен Ел Родадеро.
