Главниот обвинител на Вишото јавно обвинителство Заечар, Миодраг Цановиќ, по сослушувањето на Дејан Драгијевиќ (50), осомничениот за убиството на Данка Илиќ (2) од Бор, говореше дека обвинението ќе биде поднесено, но дека тој засега не знае како ќе изгледа.
Во своето сведочење во четвртокот, Дејан Драгијевиќ негираше се што претходно беше кажано, велејќи дека никогаш не ја видел Данка Илиќ, дека не била удрена од автомобил, ниту пак нејзиното тело било фрлено во депонија. Речиси идентична приказна раскажал и неговиот колега Срѓан Јанковиќ, кој демантираше се што претходно и кажал на полицијата, пренесуваат српските медиуми.
Тој ја демантираше својата изјава од пред три месеци кога детално го опиша делото“, рече главниот обвинител.
Тој додаде дека обвинението дефинитивно ќе биде покренато, но како ќе изгледа се уште не е познато бидејќи се уште се чекаат некои вештачења.
„Засега се сослушани 20 сведоци, ќе бидат сослушани доколку се појават нови. Пристигнаа резултатите од ГПС уредот од автомобилот што осомничените го возеле три дена. Тие пристигнаа за 26 март, но сега се уште ги нема оние за 27, 28 и 29 март. Засега нема материјални докази“, изјави Цановиќ.
За потсетување, постои сомневање дека Драгијевиќ и неговиот колега од ЈКП „Водовод“ на 26 март во Бајско Поље со службениот автомобил ја удриле Данка Илиќ, по што го фрлиле детето во автомобилот и го убиле.
Драгијевиќ и Јанковиќ беа уапсени на 4 април, десет дена по злосторството.
Во меѓувреме се однесувале нормално, продолжиле да одат на работа и го возат службениот автомобил, кој патем има вграден GPS уред и може да се утврди каде се движел автомобилот и колку долго останал некаде, дознаваат медиумите. .
