Американскиот амбасадор во Србија, Кристофер Хил, смета дека роковите за формирање на Заедницата на српски општини на Косово(ЗСО) споменати во медиумите се разумни и реални и дека ЗСО би можело да се формира до летото, додека француско-германскиот предлог може да се имплементира до крајот на годината, пишуваат српските медиуми.
– Мислам дека луѓето мора да работат секој ден за да најдат решение. Мислам дека е реално да се предложи тоа да се случи оваа година, затоа мислам дека оваа година е значајна, мислам дека предлогот е позитивен и може да се спроведе – рече Хил додавајќи дека поентата е Србија и Косово да се вратат на потпишаното од Бриселскиот договор.
Според него односите меѓу САД и Србија се подобруваат билатерално, но и на економски план.
– Инвестицијата е 4,5 милијарди долари и тоа се сериозни пари – подвлече Хил за вкупните американски вложувања во Србија за оваа година кои според него доаѓаат од големите американски компани заинтересирани да инвестираат во идните генерации.
