Сплитските полицајци го приведоа познатиот српски актер Сергеј Трифуновиќ. Според информациите на Слободна Далмација, тој денеска го шетал своето куче на плажата Каштелет во Сплит, што им пречело на граѓаните кои го пријавиле.
Откако пристигнала полицијата, Трифуновиќ почнал да ги навредува и омаловажува, поради што полицијата морала да реагира со приведување.
Пријавен е за две кривични дела, чување животно без надзор и навреда на полицајци. Тој е одведен во Сплитскиот прекршочен суд каде дал исказ.
Како што дознава Слободна Далмација, станува збор за германски овчар со кој Трифуновиќ си играл и ги игнорирал забелешките на минувачите и граѓаните кои потоа биле принудени да повикаат полиција.
