Дадилката на Коста К., напаѓачот од Врачар била на разговор во полиција, каде што детално раскажала сè што знае за неговото воспитување и навики. Таа се грижела за него од кога момчето имало само 11 месеци до пред неколку години и во тој период поминувала повеќе време со него отколку неговите родители.
Според српски Информер, бебиситерката била запрепастена и во целосен шок за време на сослушувањето.
– Таа рече дека сè уште не може да разбере дека Коста успеал да ги убие своите другари и училишниот чувар. Рекла дека денови по злосторството во Врачар размислувала за Коста и времето кога го чувала и дека сè уште не може да се опорави од шокот – вели добро упатен извор на порталот.
Изворот рекол дека дадилката во полиција сведочела дека Коста додека го чувала бил добро дете, послушно и паметно.
– Беше добро бебе, а подоцна момче. Беше натпросечно интелигентен, љубопитен и успешен во сè што го интересираше. Таа забележа дека ништо во неговото однесување не навестувало дека тој некогаш би направил такво злосторство – додава изворот.
Да потсетиме, кобното утро момчето од сефот извади два пиштоли на татко му на кои му ја знаеше шифрата и направи четири „молотови коктели“, а потоа тргна на крвав поход.
На влезот во училиштето убил чувар и уште три девојчиња кои случајно се нашле таму без да им каже збор. Потоа ја сменил рамката за муниција во пиштолот во ходникот и влегол во училницата на долниот кат, каде што неговиот клас имал час по историја.
Таму прво ја ранил наставничката во раката и стомакот, а потоа се завртел и пукал во децата. Убил шест деца, а ранил уште пет.
По масакрот излегол од училницата и самиот повикал полиција велејќи дека ги убил децата.
