Соединетите Држави користат хемиско и биолошко оружје, вклучително и во Украина, а радиоактивен облак се движи кон Полска, изјави во петокот шефот на Советот за безбедност на Русија, Николај Патрушев и ги обвини САД за координација со Киев за убиството на истакнати радикални националисти во Русија, пренесува руската новинска агенција ТАСС.
„САД развиваат и веќе користат хемиско и биолошко оружје, вклучително и на територијата на Украина“, изјави близок соработник на Путин, пренесе ТАСС.
Радиоактивниот облак од муницијата со осиромашен ураниум што се користи во Украина се движи кон Западна Европа, додаде тој.
Станува збор за муниција што Западот и ја достави на Украина, рече Патрушев на конференцијата во Сиктивкар.
Американците нагласуваат дека ги поддржуваат „заедничките демократски вредности“, а лидерите на западните земји под нивен притисок разговараат за помош на Украина, рече Патрушев.
„Американците во историјата на тој начин им „помагаа“ на другите земји, со снабдување со муниција со осиромашен ураниум, иронизира тој.
„Уништувањето на магацинот за оружје предизвика радиоактивен облак кој се движи кон Западна Европа. Во Полска веќе е забележано зголемување на радиоактивноста“, рече Патрушев.
На почетокот на оваа недела, украинските медиуми објавија дека руски беспилотни летала го погодиле градот Хмелницки и уништиле големо складиште за оружје.
Убиства на руски националисти
Дарја Дугина, ќерка на истакнат руски националист, беше убиена во август кога во нејзиниот автомобил беше поставена бомба.
Блогерот кој ги поддржува воените напори на Русија, Владлен Татарски, чие вистинско име е Максим Фомин, беше убиен во бомбашки напад минатиот месец, додека националистичкиот писател Захар Прилепин беше ранет во експлозија на автомобил-бомба.
Русија, исто така, ја обвини Украина за нападот на мостот на Крим во октомври минатата година, додека Западот ја обвини експлозијата на гасоводот Северен тек во септември.
Патрушев рече дека сите напади биле „планирани и извршени во координација со американските специјални служби“, пренесува ТАСС.
САД и Велика Британија ги отфрлаат руските наводи за вмешаност во саботажата на гасоводот Северен тек.
Украина никогаш не ја презеде одговорноста за нападот на мостот на Крим, еден од главните инфраструктурни проекти на Путин.
Патрушев, поранешен советски шпион, кого Путин го познава од 1970-тите, ги обвини „англосаксонците“ за саботажа на „Северен поток“, кој тој го нарече терористички напад.
Дипломатите сметаат дека Патрушев има големо влијание врз Путин, додека неговите ставови и изјави даваат увид во начинот на размислување во Кремљ.
Американските разузнавачки агенции веруваат дека делови од украинската влада го одобриле нападот со автомобил-бомба во близина на Москва во август, во кој загина Дугина, објави Њујорк Тајмс во октомври.
