Времето денеска ќе биде сончево и многу студено, а во западните делови на земјата со мала до умерена облачност. Кон крајот на денот облачноста ќе се зголеми насекаде, а во текот на ноќта во северозападните делови ќе има врнежи од снег. Ќе дува слаб ветер, претпладне од северен, а попладне претежно од јужен правец. Температурите ќе се движат од минимални -14 до максимални 7 степени во јужните делови.
Во Скопје ќе биде сончево и многу студено со мала облачност со температури од минимални -10 до максимални 3 степени.
Во вторник и во среда претпладне се очекува нов влажен бран, на планините и на некои повисоки места со врнежи од снег, а на пониските места со врнежи од дожд. Во вторник ќе дува засилен јужен ветер. Кон крајот на неделата дневната температура ќе се зголеми.
