Три вооружени беспилотни летала се соборени денеска над аеродромот Ербил во северен Ирак, каде се стационирани американски и други меѓународни сили, објави службата за борба против тероризам, истакнувајќи дека станува збор за два одвоени напади.
„Во моментов не е јасно кој е одговорен за нападите, последни во серијата напади врз американските трупи во Ирак и Сирија додека се зголемуваат тензиите на Блискиот Исток поради војната меѓу Израел и Хамас. Одбранбениот систем во воената база во близина на аеродромот успешно се одбрани од беспилотните летала“ – се наведува во соопштението.
Претставник на американското Министерство за одбрана соопшти дека во нападите нема жртви или оштетување на инфраструктурата.
Ирачкиот премиер Мохамед Ал Судани вети дека ќе ги пронајде одговорните за неодамнешните напади на три воени бази во Ирак во кои се сместени советниците на меѓународната коалиција, вклучително и Аин ал Асад во западен Ирак, воената база во близина на меѓународниот аеродром во Багдад и Харир во Ербил.
