Снимки од одделението за интензивна нега на болницата Ал Наср направени на 27 ноември покажуваат страшни сцени. Ситните тела на бебињата се распаѓаат во креветите, од кои некои сè уште се прикачени на жиците и цевките кои требало да ги одржат во живот. До нив има шишиња со млеко и резервни пелени на чаршафите.
Видеото е снимено од Мохамед Балуша, репортер од Газа за весникот Ал Машад, кој подоцна ја сподели снимката со Си-ен-ен.
На видеото се гледаат посмртните останки на најмалку четири новороденчиња, од кои три се сè уште приклучени на болничките машини.
Телата на бебињата се со темна боја, што укажува на распаѓање; со тоа што во некои кревети останало само малку повеќе од скелети. На едно од телата на детето лазат муви и црви. Иако точните околности на овој страшен настан сè уште не се целосно јасни, по собирањето достапни информации, интервјуа и изјави, Си-ен-ен дојде до заклучок дека се работи за избрзана евакуација и помош која никогаш не пристигнала.
Си-ен-ен ја лоцираше локацијата на снимката и потврди дека се работи за болницата Ал Наср во северниот дел на Газа. Оваа област беше главно недостапна за новинарите во последните недели, но за време на седумдневното примирје репортерот успеа да влезе во болницата и да сними што се случува таму.
Детските болници Ал Наср и Ал Рантиси, кои се дел од истиот комплекс, се на линијата на фронтот меѓу израелските и силите на Хамас од почетокот на ноември. Неколку медицински персонал и здравствени службеници од Ал Насра во соопштенијата за печатот и интервјуата рекоа дека морале набрзина да ја евакуираат болницата на 10 ноември по наредба на израелските одбранбени сили (ИДФ).
Медицинскиот персонал рече дека морале да ги остават малите деца на интензивна нега бидејќи не можат да обезбедат безбеден транспорт. Доктор поврзан со болницата, кој не сакаше да биде именуван, изјави за Си-ен-ен дека 2 деца, двегодишно и деветмесечно бебе, починале непосредно пред евакуацијата, но дека 3 деца сè уште се живи и на вентилатори.
Едно од бебињата кое останало во болница имало само 2 месеци. Засега нема официјални податоци за моменталната состојба на болните деца кои се оставени во болница.
Во аудиоснимка од разговор меѓу висок функционер во болницата Ал Рантиси и офицер од COGAT, кој ги координира активностите на израелската влада на палестинските територии и Газа, се слуша дека израелските сили ги упатиле пациентите и болничкиот персонал да се евакуираат.
На видеото, објавено од ИД на 11 ноември, израелски офицер го уверува службеникот на болницата дека ќе се организира брза помош.
ИД силно ја негираше одговорноста за смртта на децата во Ал Наср. „Со оглед на тоа што ИД не оперира во болницата Ал Наср, овие тврдења не се само лаги, туку и перверзна експлоатација на невини животи“, изјавија од ИД за Си-ен-ен.
Израел постојано го обвинува Хамас дека ги користи болниците како командни центри и дека таму држи заложници.
