Во најголемиот дел од земјата ќе преовладува променливо облачно и студено време. Во текот на денот ќе има локален повремен снег, претежно во планинските делови. Ќе дува умерен до засилен ветер од северен правец, информираат од УХРМ.
Минималните утрински температури ќе се движат од – 3 во Маврово до 3 во Гевгелија, а максималните дневни од – 2 во Маврово и 6 Целзиусови степени во Гевгелија.
Во Скопје, облачно и студено со слаб дожд, а во повисоките делови од котлината со слаб снег. Ќе дува умерен ветер од северен правец. Температурата ќе се движи од – 1 до 4 степени.
За утре метеоролозите најавуваат променливо облачно и студено со повремени локални врнежи од дожд и снег. Ќе дува умерен до засилен ветер од северен правец, наместа со брзина над 60 km/h.
Минималната температура ќе биде во интервал од – 6 до 2, а максималната ќе достигне од 0 до 6 степени.
Во среда нѐ очекува исто така променливо облачно и студено со повремен снег, претежно во планинските региони. Ќе дува умерен до засилен ветер од северен правец, наместа со брзина над 60 km/h.
Минималната температура ќе биде во интервал од – 4 до 2, а максималната ќе достигне од 1 до 7 степени.
