Селекторот на словенечката кошаркарска репрезентација Александар Секулиќ ќе остане на таа позиција и покрај тоа што беше елиминиран од Полска во четвртфиналето на Евробаскетот.
Тој има договор до крајот на следната година, а претседателот на Кошаркарскиот сојуз на Словенија, Матеј Ерјавец вели дека нема да има промени.
„Тој е одличен тренер и има договор. После ваков Евробаскет неопходна е анализа, но ќе беше да беа шампиони“, изјави Ерјавец.
Долгогодишниот асистент во репрезентацијата, Секулиќ го замени Радован Трифуновиќ во 2020 година и беше четврти на Игрите во Токио.
„Ние сме тажни и разочарани. По натпреварот долго седевме во градината, разговаравме и се обидовме да го надминеме поразот. Играчите, стручниот штаб, сите“, додаде Ерјавец.
Словенија и Секулиќ ќе имаат можност да се поправат на Мундобаскетот следната година.
