Денеска наутро по одделни котлини ќе има услови за појава на слаба магла или ниска облачност, најавува Управата за хидрометеоролошки работи. Преку денот времето ќе биде сончево и топло, со мала до умерена локална облачност. Ќе дува слаб до умерен ветер од јужен правец. Температурата ќе се искачи до 29 степени, најтопло ќе биде во Демир Капија и во Гевгелија.
Во Скопје денеска наутро ќе има услови за појава на слаба магла или ниска облачност. Преку денот ќе биде претежно сончево и топло со слаб до умерен југоисточен ветер. Температурата ќе достигне до 26 степени.
УХМР најавува период на стабилно и релативно топло време за овој дел од годината, со сончеви периоди во текот на деновите. Во петок ќе има зголемена облачност и услови за повремен локален дожд, со појава на ретки грмежи, а во сабота ќе дува засилен до силен претежно северозападен ветер.
