Славниот диџеј Дејвид Гета (56) стана татко по третпат. Гета доби син со својата девојка Џесика Ледон (32), а ова е нивното прво заедничко дете. Дејвид и Џесика ја потврдија среќната вест со заедничка објава на Инстаграм.
„Љубовта е во воздухот. Запознајте го Сијан“, напишале во описот на фотографијата, на која Гета го милува новороденчето, додека тоа спие на мајчините гради. Притоа го откриле необичното име што му го дале на момчето.
Во коментарите се огласил и 20-годишниот син на Дејвид.
„Малиот брат ќе биде силен“, напиша тој. Холандскиот диџеј Тиесто додаде: „Среќен за вас двајца! Браво брате“.
Двојката е заедно од 2015 година, а потврдија дека чекаат бебе минатиот ноември на црвениот тепих на доделувањето на латино Греми во Севиља. Наводно не планираат да се венчаат бидејќи музичарот „не верува повеќе во брак“.
Гета има и две деца со поранешната сопруга Кети Лобе (56). Тие ја имаат ќерката Енџи (16) и синот Тим Елвис (20). Тој беше во брак со Кети од 1992 до 2014 година.
Диџејот и 24 години помладата Џесика почнаа да се забавуваат во 2015 година, по разводот на Гета, а се појавија гласини дека токму младата убавица била причината поради која ги оставил сопругата и децата.
ФОТО: Инстаграм
