Утринава Скопје е наброен како шести најзагаден град на светот на списокот на сајтот IQAir. Прв на листата е Њу Делхи во Индија со индекс 414, додека Скопје има индекс од 161 и е во друштво со Ташкент во Узбекистан и со градот Вроцлав во Полска.
Во однос на тоа кои штетни честички се најконцентрирани во моментов во Скопје, според овој сајт, тоа се ПМ2,5 честичките со 75,2 микрограми на кубен метар, додека ПМ10 честичките се означени со жолто и концентрација од 108,9 микрограми на кубен метар.
Концентрацијата на ПМ2,5 честичките е 15 пати поголема од онаа која ја препорачува Светската здравствена организација.
