Скелетот Горгосаурус на аукција, би можел да достигне цена од осум милиони долари
Скелетот на диносаурус Горгосаурус ќе биде ставен на аукција за прв пат и се очекува да достигне цена меѓу пет и осум милиони американски долари, објави Sotheby’s.
Аукциската куќа на 28 јули ќе го стави на продажба скелетот на диносаурус висок три метри и долг 6,7 метри.
Сотби наведува дека е „еден од највредните диносауруси што некогаш се појавиле на пазарот“.
Горгосаурус талкаше по земјата пред приближно 77 милиони години.
Возрасен мажјак тежел околу два тона и бил малку помал од неговиот попознат братучед Тираносаурус рекс.
Палеонтолозите велат дека бил пожесток и побрз од Т-Рекс, со посилен залак.
Скелетот е откриен во формацијата на реката Џудит, во близина на Авра, во американската сојузна држава Монтана во 2018 година.
Ова е прв пат Sotheby’s да стави цел скелет од диносаурус на аукција откако го продаде T-Rex по име Су во 1997 година за 8,36 милиони долари.
„Сите други примероци на горгосаурус што се пронајдени се во музеи“, изјави за AFP Касандра Хатон, шеф на науката и популарната култура во Sotheby’s.
„Тоа е единственото што всушност можете да го купите, па затоа е возбудливо време, и за приватни колекционери и за институции“, додаде таа.
За разлика од другите земји, САД не ја ограничуваат продажбата или извозот на фосили, што значи дека скелетот може да заврши во странство.
