Партискиот огранок на СДСМ во Арачиново со статус на социјалната мрежа Фејсбук ги повикува сите кои се пријавиле на огласот на Министерството за одбрана за прием на војници во Армијата да дојдат во партиското седиште на СДСМ во Арачиново. Засега нема официјална потврда или демант дали профилот на Фејсбук навистина му припаѓа на партискиот огранот, дали е лажен или злоупотребен.
„Почитувани сонародници, ги повикуваме сите кои се пријавиле на огласот на Министерството за одбрана за прием на војници во Армијата на Република Северна Македонија, кандидати да се јават кај Раководителот на огранокот Арачиново или кај членовите на раководството на огранокот на СДСМ Арачиново“, се вели во соопштението.
