Целиот процес на спиење не е ист од почеток до крај, тој е поделен на фази и во секоја од нив се случува нешто. Во некои фази, нашето тело е многу активно, дишењето е побрзо, срцето чука побрзо и притисокот е зголемен.
Во првата фаза на лесен сон, често се вртиме наоколу обидувајќи се да ја најдеме најсовршената положба за спиење. Температурата на телото паѓа, активноста на мозокот се намалува, а движењата стануваат побавни.
Оваа фаза трае околу 10 минути и токму во оваа фаза многу луѓе се шокираат кога ќе почнат да заспиваат и тоа ги буди. Некои имаат чувство дека пропаѓаат, па поради таа причина се сепнуваат.
Во втората фаза од сонот, спиеме малку поцврсто, иако сепак тоа е лесен сон. Во оваа фаза, движењата на очите престануваат, а температурата на телото продолжува да опаѓа. Оваа фаза трае околу 15 минути.
Во третата фаза е потешко да не разбудите бидејќи спиеме подлабоко. Луѓето кои се будат во средината на оваа фаза може да се чувствуваат збунети и дезориентирани. Во оваа фаза на спиење, очите се движат побрзо и срцето чука побрзо.
Во четвртата фаза, нашето тело станува активно. Дишењето се забрзува, срцето чука побрзо, крвниот притисок се зголемува. Во оваа фаза, некои луѓе шетаат во сон или се будат во страв откако имаат лош сон.
Во петтата, РЕМ фаза на спиење, очите се движат лево-десно и овие движења се брзи, околу 50 до 60 пати во минута, а умот е фокусиран на она што го сонуваме. Токму поради овој феномен оваа фаза го доби името Брзи движења на очите (РЕМ).
Срцето работи уште побрзо, а крвниот притисок благо се зголемува. Кога влегувате во РЕМ спиењето, најдлабоко од сите, мускулите на вашите екстремитети стануваат речиси парализирани и движењето е привремено оневозможено.
Во оваа фаза на спиење, обично сонуваме за се и сешто, бидејќи мозочната активност е најголема.
Бидејќи сите фази се повторуваат во текот на ноќта во циклуси, РЕМ фазата е пократка во текот на ноќта и најдолга пред утро. Експертите велат дека во текот на една ноќ поминуваме вкупно околу два часа или 25 отсто од времето кога спиеме во оваа фаза.
Постои нарушување на спиењето во кое луѓето се будат од фазата на РЕМ спиење и не можат да се движат, пренесува 24sata.hr.
Станува збор за парализа на спиење, застрашувачка состојба која може да трае од неколку секунди до неколку минути. Оние кои го доживеале велат дека почувствувале неизмерен страв и паника бидејќи биле свесни дека не можат да се движат.
Albanian
English
Macedonian
Turkish
