Системи за противвоздушна одбрана, наводно, се инсталирани на врвот на неколку згради во руската престолнина Москва. Во четвртокот на Твитер беа објавени слики од инсталацијата на системот „Панцир-С1“, пренесува Њузвик. Се плаши ли Кремљ од оружјето за долг дострел кое би можела да го добие Украина?
Според Роб Ли, виш соработник на Одделот за воени студии на Кралскиот колеџ во Лондон, системите се инсталирани на административна зграда во Москва и на Националниот центар за управување со одбраната на руското Министерство за одбрана.
Извештаите за новите дополнувања на противвоздушната одбрана во Москва пристигнаа истиот ден кога портпаролот на Кремљ, Дмитриј Песков , предупреди дека ќе дојде до ескалација доколку западните земји и дадат на Украина оружје со долг дострел.
– Потенцијално, ова е исклучително опасно, тоа ќе значи доведување на конфликтот на сосема ново ниво, што, се разбира, нема да биде добро од гледна точка на глобалната и паневропската безбедност – изјави Песков за новинарите, пренесе агенцијата Франс прес.
На 13 јануари, набљудувачите во земјата забележаа дека Русија се чини дека развива други системи за ракетна одбрана како С-400 поради загриженоста дека Украина може да користи беспилотни летала и друго оружје за да изврши слични напади како оние што руските сили претходно ги распоредиле на цивилни цели во Украина.
