Новак Ѓоковиќ имаше посебна поддршка на годинешниот Ролан Гарос на кој ја освои рекордната 23. Грен слем титула. Заедно со сите членови на тимот и навивачите, таму беше и неговото семејство. Неговиот син Стефан, посебно уживаше и не пропушти ниеден момент да биде покрај својот татко. Тој го придружуваше на тренинзите во теретана, навиваше на мечевите, а не ја пропушти ни прес-конференцијата на Ѓоковиќ по освојувањето на титулата
Додека Новак одговараше на новинарските прашања, осумгодишниот Стефан трпеливо го чекаше својот татко. Фотографијата на денот ја објави Тјери Губер, еден од клучните луѓе на „Лакоста“, кој успеал да го „улови“ посебниот момент додека синот на Ѓоковиќ седи на скалите и гордо гледа во својот татко додека тој одговараше на прашањата.
„Најдобрата слика на денот. Стефан го гледа својот татко. Изгледа толку гордо“, напиша Тјери Губер.
Новак Ѓоковиќ по трет пат славеше на Ролан Гарос што беше негова рекордна 23. Грен слем титула во кариерата што го враќа на врвот на АТП листата.
