Доналд Трамп, поранешниот американски претседател, ја доби целосната поддршка од Републиканската партија да се обиде уште еднаш да влезе во Белата куќа во ноември. Покрај него беа неговите деца и сопругата Меланија Трамп, облечени во елегантен црвен фустан, со што симболично покажа дека го поддржува својот сопруг и ги почитува републиканците – црвената е нивната заштитна боја.
Тоа беше едно од ретките појавувања на Меланија Трамп, која минуваше низ тежок период бидејќи, меѓу другото, мораше да го слуша и не баш пријатното судење на нејзиниот сопруг, кој беше обвинет – а потоа и осуден – дека ѝплатил на порно актерката Сторми Даниелс да молчи за нивната афера.
Тоа беше прв пат Меланија да биде видена во јавноста и откако 20-годишниот томас Метју Крукс се обиде да го убие нејзиниот сопруг на предизборен митинг во Пенсилванија минатиот викенд.
Облечена во „републиканско црвено“, таа влезе сама на републиканската национална конвенција во Милвоки во придружба на класична музика, впечатлив контраст во споредба со кантри музиката и рок баладите кои доминираа претходните денови на најважниот републикански собир.
Сјајна и гламурозна, повеќе изгледаше како да оди на модна писта отколку на политичка конвенција. Изгледаше како и секогаш мистично и далечно.
Откако одржа долг говор на сцената, вклучително и детали низ што минуваше откако куршумот му го напаси увото, Доналд Трамп ја прегрна сопругата, а парот потоа се бакна во образот, што беше увертира за пуштањето на балони поздравено со овации од илјадниците присутни.
Трамп потоа ја зеде раката на Меланија и помина низ бината со остатокот од неговото семејство.
Откако нејзиниот сопруг првпат беше избран во 2016 година, Меланија Трамп се однесуваше целосно спротивно на вообичаените американски претседателски стандарди.
За време на претседателствувањето на Трамп, Меланија беше повлечена фигура во споредба со другите први дами, а само повремено се појавуваше на јавните настани.
Американскиот национален архив ја опишува како „амбасадорка на добрината“ и застапничка за правата на децата.
А од јануари 2021 година, откако нејзиниот сопруг не е претседател, таа често избегнуваше да биде во негово друштво во многу прилики кога се очекуваше и таа да биде присутна.
Меланија не беше со Трамп кога беше направена познатата фотографија во полициски притвор во Атланта. Таа не беше во Њујорк кога Трамп стана првиот поранешен претседател кој беше осуден за кривично дело. А не беше ни во Пенсилванија кога врз нејзиниот сопруг беше извршен атентат.
Меланија не беше ни во Милвоки во понеделникот кога Трамп официјално ја освои претседателската номинација на Републиканците.
– Меланија го прави она што Меланија го сака – вели Мери Џордан, која ја напиша „Уметноста на нејзината работа“, биографија за поранешната прва дама.
– Таа е исклучително независна и нема да прави нешто само затоа што тоа го прават другите луѓе. Таа не чувствува никаква обврска да го направи тоа – појаснува Џордан.
Меланија веќе ја навикна јавноста на фактот дека не се појавува на многу настани на кои е присутен Доналд Трамп, но во понеделникот, кога тој влезе во арената во Милвоки, пречекан како месија по преживеаниот обид за убиство, нејзиното отсуство беше особено очигледно.
Тоа секако го забележаа насобраните републиканци, но тоа не ја исклучи нивната возбуда за нејзиниот изглед, кога конечно се појави.
Меланија е најзагадочната прва дама во модерната историја и ретко слушаме што мисли.
Исклучок беше долгата изјава по пукањето на нејзиниот сопруг.
– Чудовиштето што го препозна мојот сопруг како нечовечка политичка машина се обиде да ја осветли страста на Доналд – неговата смеа, неговата генијалност, неговата љубов кон музиката и неговата инспирација. Основните аспекти од животот на мојот сопруг – неговата човечка страна – беа закопани под политичката машина. Доналд е дарежлив и грижлив човек со кој сум бил во најдобрите и најлошите времиња – истакна Меланија.
На партиските конвенции вообичаено е брачниот другар на кандидатот да држи говор и да кажува пишани анегдоти за семејниот живот.
Во средата навечер, Уша Венс, сопругата на Џеј Ди Венс, кого Трамп го номинираше за потпретседател на САД (ако биде избран), само одржа еден таков говор.
И додека Дон Јуниор, најстариот син на Доналд Трамп, средниот син Ерик, снаата Лара и внуката Каи зборуваа на републиканската конвенција, Меланија не одржа говор.
Атрактивната Словенка уште еднаш многу јасно стави до знаење дека не прави ништо што не сака.
Првите дами секогаш внимателно се следат за нивниот стил, однесување во јавност и облека. Но, Меланија Трамп беше првата од првите американски дами која претходно била професионална манекенка.
Таа изгледа фантастично на фотографиите и е многу свесна за моќта на сопствениот имиџ.
Бидејќи не се појавува многу често на настани, секоја можност за фотографирање ја прави бескрајно помоќна.
„Таа е многу паметна и ја негува мистичноста на мистериозната жена со одење „под земја“, а потоа кога ќе излезе, тоа е голема работа. Таа не се појавува често, но се појавува кога на Доналд Трамп навистина му треба – вели Џордан.
Во четвртокот вечерта, додека полека се качуваше по скалите до ВИП делот, таа застана и мавташе кон сите агли на арената, покажувајќи ја својата мајсторија и чувство за моќта на сцената. Остави силен впечаток и со своето елегантно издание во црвено, постигна полн погодок.
