Поради поплавите предизвикани од обилните врнежи што ја зафатија Германија, денеска се откажани десетици летови на аеродромот во Франкфурт, најпрометниот и еден од најголемите во Европа.
Врнежите го блокирале аеродромот од каде сооштија дека синоќа на пистата се насобрало многу вода, јави ДПА.
На веб-страницата на аеродромот беше објавено дека синоќа до 23 часот се откажани околу 70 летови, додека 23 летови за Франкфурт се пренасочени кон други аеродроми.
Делови од југозападна и централна Германија беа поплавени во невремето.
Фото: Илустрација
