Силен земјотрес со јачина од 7,1 степени според Рихтеровата скала ја погоди во четвртокот Вануату, една од островските држави во Тихиот Океан, објави Американскиот геолошки институт, јавува Анадолија.
Земјотресот е регистриран на 125 километри јужно од градот Исангел. Регистриран е на длабочина од 35 километри.
По земјотресот беше издадено предупредување за цунами. Засега не се знае дали во земјотресот има човечки жртви или материјална штета.
Земјотрес со јачина од 6,7 степени според Рихтеровата скала го погоди Вануату на 22 ноември.
Земјотресот се случил на 98 километри од брегот на градот Порт Орли во Вануату, на длабочина од 22 километри, а нема жртви или материјална штета.
