Ако не сте љубител на кафе, чајот може да биде пијалок по ваш вкус. Чајот е еден од најпопуларните пијалоци во светот, луѓето го пијат наутро за да се разбудат, пред спиење за да се смират или во текот на попладневните часови за да се релаксираат. Интересно е што се случува во телото ако пиете чај секој ден, особено зелен или црн.
Нутриционистите се согласуваат дека пиењето чај секој ден е сосема добро и дека оваа навика има многу здравствени придобивки.
Најстарите и најдолговечните популации во светот, како Јапонците, пијат чај секој ден. Но, што точно се случува во телото ако пиете чај секој ден?
Чајот е познат по своите антивоспалителни својства, а тоа е особено забележливо доколку го пиете секој ден
Ќе добиете повеќе фитонутриенти
Чајот е богат со хранливи материи кои многу други пијалоци не ги содржат, особено кафето. Чаевите содржат различни фитохемикалии и фитонутриенти бидејќи се направени од различни видови растенија.
Фитонутриентите се хранливи материи во растенијата кои произведуваат одредена биолошка активност и помагаат да се зачува здравјето на луѓето на многу различни начини, на пример преку антиоксиданси, во форма на борба против одредени алергии, намалување на ризикот од некои видови на рак и борба против стареењето.
Ќе имате подобар метаболизам
Одредени чаеви се наменети за подобро функционирање на метаболизмот и негово враќање во рамнотежа. Истражувањата докажаа дека зелениот чај е особено ефикасен во овој поглед, познат по исклучително позитивното влијание врз здравјето, што е директно поврзано со регулирање на нивото на гликоза и контрола на телесната тежина.
Студијата покажа дека тоа важи и за дијабетичарите. Ако сакате да пиете чај за порамномерен метаболизам, изберете црн, зелен или кинески улонг чај.
Ќе го намалите воспалението во телото
Чајот е познат по своите антивоспалителни својства, а тоа особено може да се почувствува ако го пиете секој ден. Зелениот и црниот чај се особено успешни во ова.
Истражувањата потврдија дека својствата на зелениот и црниот чај можат да имаат огромно влијание врз намалувањето на воспалението во црвените крвни зрнца. Докажано е дека дури и кај луѓето со лупус кои консумирале зелен чај дневно во текот на 12 недели, воспалението во телото се намалувало.
Почесто ќе одите во тоалет
Некои видови чаеви поттикнуваат почесто мокрење, а диуретичното дејство е особено забележливо кај чајот од глуварче, зелениот чај, чајот од јачмен и чајот од хибискус.
Диуретиците се хранливи материи кои го стимулираат излачувањето на сол и вода од телото во форма на урина.
Чајот со диуретични својства често се препорачува за луѓе со проблеми со бубрезите, дијабетес или одредени проблеми со срцето. Се препорачува ваквите чаеви да не се конзумираат по 16 часот токму поради диуретичното дејство, кое инаку може да ве натера да одите во тоалет цела ноќ.
Полесно ќе ја контролирате телесната тежина
Бројни студии го докажале позитивното влијание на секојдневното консумирање зелен чај врз одржувањето на здрава телесна тежина.
Учесниците во истражувањето кое траело 12 недели, забележале значително губење на тежината и масно ткиво во пределот на стомакот со секојдневно консумирање зелен чај.
Причината за ваквите резултати лежи во фактот што зелениот чај го зголемува нивото на енергија, го контролира метаболизмот и помага во производството на липиди. Ова е причината зошто зелениот чај се смета за најдобар пијалок ако сакате да изгубите тежина.
Дали има некои несакани ефекти од пиењето чај секој ден?
Секојдневното пиење чај нема никакви нуспојави, единствена препорака е да се ограничи потрошувачката на максимум три шолји дневно.
Исто така, избегнувајте да пиете чај премногу доцна во текот на денот ако содржи кофеин. Во принцип, внимавајте на количината на кофеин доколку секојдневно консумирате чај. Иако шолја црн чај има помалку кофеин од шолја кафе, може да добиете премногу ако пиете неколку шолји
