Сочувството со другите луѓе или емпатијата може да доведе до одредени последици по здравјето, а меѓу другото и до таканаречен секундарен стрес.
Како што објаснуваат експертите, тоа е психолошка состојба која се карактеризира со непријатно чувство или тага. За разлика од класичниот стрес, секундарниот стрес се јавува како реакција на трауматски настан доживеан од друга личност, пишува „Јаху Лајф“.Како што нагласуваат, човечката реакција е да ги апсорбира туѓите емоции при тешки ситуации, но тоа може да доведе до проблеми како секундарен стрес.
„На фундаментално ниво, ние сме општествени суштества. Ги собираме знаците на другите луѓе“, објаснува Тим Боно, предавач по психологија и наука за мозокот на Универзитетот Вашингтон во Сент Луис.
Тој додава дека ако многу луѓе околу нас реагираат на некој настан со тага или страв, ние го забележуваме тоа и тежнееме кон усвојување на такво однесување.
Кога станува збор за туѓиот стрес, тој може да има екстремна форма, што многу луѓе го нарекуваат стрес од втора рака, односно секундарен стрес. Според психолозите, секундарниот стрес не е официјален клинички термин. Наместо тоа, тој забележува други феномени кои се добро документирани во бихејвиоралните науки.
„Мислам дека спаѓа во доменот на менталното здравје и како реагираме кога ќе видиме друга личност во неволја. Нешто како емпатија или емпатична грижа за друга личност“, објаснува Боно.
Поточно, секундарниот стрес е всушност резултат на исцрпеност од преземање на страдањата на другите или помагање да се справат со него. Со ова се согласува и Алишја Браун, психотерапевт, кој додава дека секундарниот стрес може да се појави кога се преоптоваруваме упорно обидувајќи се да поддржиме некого или на кој било начин да му помогнеме, пренесува Index.hr.
Кои се знаците на секундарен стрес?
Како што објаснуваат експертите, постојат неколку индикатори кои откриваат дека можеби доживувате секундарен стрес. Тоа се прекумерно внимание кон другите, повлекување во себе, тешкотии во комуникацијата, осаменост, анксиозност, депресија и проблеми со несоница.
Исто така, некој од овие симптоми не мора да значи дека поминувате низ секундарен стрес, па затоа е неопходно да се следи дали се појавуваат повеќе слични знаци.
