Пратениците на Долниот дом на шпанскиот парламент гласаа против признавањето на самопрогласената независност на Косово.
Против оваа иницијатива гласаа 293 пратеници, за неа се изјаснија 25, а воздржани 27 пратеници, пишува РТС.
Иницијативата за признавање ја покрена пратеничката група на каталонската партија Јунтс, а беше поддржана од баскиските партии.
За време на дебатата, која се одржа во вторникот, пратениците на Народната партија (ПП), партијата Вокс и Социјалистичката партија на Галиција се изјаснија против иницијативата. Против гласаа и членовите на владејачката Социјалистичка партија.
Шпанија е една од петте земји од Европската унија кои сè уште не ја признале независноста на Косово.
Се смета дека главната причина за непризнавањето е поврзана со односот на Шпанија кон аспирациите на нејзиниот североисточен регион, Каталонија, да стане независен.
