Амбасадорот на Шпанија во Белград Раул Бартоломе Молина изјави дека ставот на неговата земја е јасен – не ја признава независноста на Косово, го брани територијалниот интегритет на Србија и го поддржува посредувањето на Европската унија (ЕУ).
„Ги поддржуваме посредничките напори на ЕУ во согласност со условите од Бриселскиот договор и потрагата по начин за нормализирање на односите меѓу Белград и Приштина, што би довело до конечно решение на конфликтот. Овој став не е променет, ниту ќе се смени, а тоа многу добро го знаат сите наши партнери“, изјави Бартоломе Молина за „Политика“, во пресрет на шестмесечното претседавање на Шпанија со Унијата, кое почнува утре.
Тој изјави дека „шпанското претседателство ќе биде фокусирано на четири оски, како што најави премиерот Санчез на јавната презентација на приоритетите на 15 јуни“.
„Реиндустријализација на ЕУ и обезбедување на нејзината стратешка автономија, напредок во еколошката транзиција и адаптација на животната средина, застапување за поголема социјална и економска правда и зајакнување на европското единство“, рече Бартоломе Молина.
