Шефот на платеничката група Вагнер, Евгениј Пригожин, кој во последно време често се судри со руското воено раководство, ја обвини руската армија дека се обидела да ги крене во воздух неговите луѓе.
Вагнерците го зазедоа украинскиот Бахмут во мај по неколкумесечни крвави битки и оттогаш им ги предадоа своите позиции на редовните руски сили.
Пригожин на Телеграм изјавил дека неговите војници пронашле десетина локации каде претставници на Министерството за одбрана поставиле експлозиви, вклучително и противтенковски мини, велејќи дека тоа им било наредено од нивните претпоставени, пренесува Индекс.
Пригожин тврди дека такво нешто немало намера да го одврати непријателот, со оглед на тоа што мините биле поставени во областа зад линијата на фронтот. „Затоа, претпоставуваме дека експлозивните направи биле наменети за единиците на Вагнер кои напредувале кон целта“, рече тој.
„Ништо не експлодира и никој не е повреден. Претпоставуваме дека се работи за обид за јавно камшикување“, додаде тој.
Руското Министерство за одбрана не ги коментираше овие последни обвинувања против Пригожин.
