„Борбените дејствија на овој или оној начин ќе продолжат. На студ, влажно и во кал е потешко да се бориме. Борбите ќе продолжат. Контраофанзивата ќе продолжи“.
Вака изјави шефот на украинското разузнавање Кирило Буданов за Ројтерс. Во исто време, шефот на главната управа за разузнавање додаде дека контраофанзивата се одвива побавно отколку што очекувал. Според Буданов, покрај минските полиња, руските беспилотни летала станале клучен фактор што го забавува напредувањето на украинските војници.
Украина се обидува да ги подели руските сили кај Роботин и Вербове, но контраофанзивата е бавна на „линијата на Суровикин“ на која се поставени бројни змејски заби и мински полиња.
– Нашата контраофанзива се случува во неколку правци – рече Буданов, признавајќи дека напредокот бил побавен отколку што сакал и опишувајќи ја ситуацијата како тешка.
Вадим Скибицки, официјален претставник на украинската воена шпионска агенција, претходно во саботата изјави дека Русија моментално има 420.000 војници во Украина.
