Шефот на ЕУЛЕКС, мисијата на ЕУ за владеење на правото на Косово, Ларс-Гунар Вигемарк реагираше откако косовската полиција беше нападната со огнено оружје во саботата на езерото Газивода и рече дека овие напади мора да престанат.
„Пукањето кај езерото Газиводе е и напад со огнено оружје врз косовската полиција. Никој не е повреден, но овие напади не само што се опасни, тие се кривични дела и мора веднаш да се прекинат. ЕУЛЕКС ќе ги зголеми патролите во таа област“, напиша Вигемарк.
За случајот со вооружен напад врз полицијата реагираше и премиерот на Косово Албин Курти.
„Ова е втор пат за помалку од една недела косовската полиција да биде нападната од криминални групи на северот од нашата територија, само шест дена по инцидентите во неделата“, напиша Курти на Фејсбук.
„За среќа нема жртви и сега е во тек целосна истрага за овој случај. Денеска нема барикади на патот“, додаде Курти.
Косовската полиција во саботата била нападната со огнено оружје околу 11.25 часот додека поставувала патролен чамец на езерото Газивода во Зубин Поток.
