Хрватската пејачка Северина Вучковиќ одржа концерт во Градската градина во Осиек. Северина објави видео во кое се прегрнува со обожавателки, а напиша и подолг текст за впечатоците од концертот, откривајќи и дека прилично се повредила за време на настапот.
„Секогаш повторно сакам да ги гушкам луѓето кои ги сакаат моите песни и кои го сакаат тоа што го работам, бидејќи љубовта и емоциите се најважни, големата нишка што нѐ поврзува и која ни е потребна на сите. Удрив во челичната конструкција и мислев дека ја скршив потколеницата. За среќа добив само крвава рана, но срцето ми е полно. Ти благодарам Осиек, благодарам на сите прекрасни музичари и мојот прекрасен тим. Ве сакам“, напиша таа заедно со видеото од нејзините фанови како се гушка.
