Извештајот на Централната контрола на огнено оружје за Југоисточна и Источна Европа покажува дека во текот на 2022 година се евидентирани 107 инциденти во кои било употребено оружје како дел од семејно насилство, пишува денеска весникот Данас.
Во тие инциденти загинаа 29 лица. Истовремено, во 493 криминални пресметки со употреба на оружје загинале 27 лица.
Горенаведените податоци покажуваат дека семејното насилство е посмртоносно од криминалот.
Најголем број вооружени инциденти во семејството се забележани на Косово – 24.
Во Албанија тој број изнесува 15, а потоа следи Србија со 13 случаи на семејно насилство во кои било употребено огнено оружје.
Загрижува податокот дека тие 13 случаи претставуваат скок од 63 отсто во однос на претходните години, додека бројот на убиени во семејно насилство е зголемен од четири на шест лица.
Извршителите на вооружени инциденти во семејството најчесто се мажи. Во 2022 година сите сторители биле мажи, а една година претходно мажи биле сторители во 98 отсто од случаите.
