Медиумите ширум светот пренесуваат дека Лео Меси е добитник на Златната топка за 2023 година, а информацијата на својот Инстаграм ја објави неговиот семеен пријател Алесандро Досети.
„Официјално е. Лео ја освојува Златната топка во 2023. Осмата Златна топка е сигурно неговата последна. Денеска му беше кажано“, напиша Досети.
Ако ја каже вистината, Меси ќе го собори рекордот пред Роналдо кој освои пет Златни топки.
Наградата ја заслужи освојувајќи го СП во Катар со Аргентина, каде ја освои и титулата најдобар играч со седум гола и три асистенции.
Неговиот најголем конкурент е Ерлинг Халанд, кој се истакнува во дресот на „граѓаните“ со 52 гола и девет асистенции на 53 натпревари, што доведе до титулите за најдобар стрелец во Премиер лигата и Лигата на шампионите.
